L’Uniun dramatica Breil envida a teater!

Suenter tschun onns pausa e la producziun el liber «Fausta piuniera» dein nus la cumedia en treis acts «Atras il mir dil curtgin» ella halla polivalenta a Breil.

Nossa historia ei situada enzacu els onns siatonta ni otgonta en in vitg alpin romontsch. Mo atgnamein savess ella era schabegiar oz ed x-enzanua sin quest mund. Igl ei pia ina historia classica, actuala ed eterna el medem mument.

El center da nossa historia stattan las duas famiglias Milàr e Stivet. Sco vischins habiteschan els preit encunter preit, curtgin vid curtgin e separai dad in mir dapi decennis. Els vivan lur atgnas vetas ed han buca gest la megliera relaziun.

Mo ei capeta sco savens: zac tucca in paliet d’amur lur figlialonza e porta nova dinamica ella veta eria dallas duas famiglias. E cu in miedi nunusitau cumpara in di, survegn nossa historia slontsch pér da dretg.

Nus selegrein sin Tia viseta!